Դե Լիգտը ակնարկել է, որ նույնպես կարող է տեղափոխվել «Բարսելոնա»

«Այաքսի» կենտրոնական պաշտպան Մատեյս դե Լիգտը չի բացառել, որ կարող է հետևել իր թիմակից Ֆրենկի դե Յոնգի օրինակին և կարիերան շարունակել «Բարսելոնայում»։

«Կարծում եմ, որ յուրաքանչյուրն է երազում խաղալ «Բարսելոնայում»։ Կտեսնենք՝ թե որտեղ ես կգնամ»,-Marca-ն է փոխանցում ֆուտբոլիստի խոսքերը։

19-ամյա հոլանդացին արդեն 93 հանդիպում է անցկացրել «Այաքսի» կազմում՝ հեղինակելով 9 գոլ։ Նա ճանաչվել է Հոլանդիայի առաջնության լավագույն երիտասարդ ֆուտբոլիստ և արժանացել Golden Boy մրցանակին։ Դե Լիգտին ցանկանում են իրենց թիմերում տեսնել գրեթե բոլոր եվրոպական առաջատար գրանդերը։