Պաշտոնական․ Լեոնարդո Ժարդիմը վերադարձավ «Մոնակո»

«Մոնակոն» իր պաշտոնական կայքի միջոցով հայտարարել է Լեոնարդո Ժարդիմի՝ թիմի գլխավոր մարզիչ նշանակվելու մասին։ Այդ պաշտոնից ավելի վաղ հեռացվել էր ֆրանսիացի մասնագետ Տիերի Անրին։

44-ամյա Ժարդիմը «Մոնակոն» մարզում էր 2014 թվականից։ Թիմը 2016/17թթ․ մրցաշրջանում նրա գլխավորությամբ դարձել է Ֆրանսիայի չեմպիոն։ Պորտուգալացի մասնագետը բացասական արդյունքներից բաղկացած մի շրջանի պատճառով 2018 թվականի հոկտեմբերի 11-ին հեռացվել էր զբաղեցրած պաշտոնից։ Նրան փոխարինել էր Անրին, սակայն վերջինիս չէր հաջողվել շտկել իրերի դրությունը։

«Մոնակոն» Ֆրանսիայի ընթացիկ առաջնությունում կայացած 21 տուրից հետո հավաքել է ընդամենը 15 միավոր և զբաղեցնում է մրցաշարային աղյուսակի նախավերջին՝ 19-րդ հորիզոնականը։

Մոնեգասկեցիները հունվարի 26-ին առաջնության 22-րդ տուրի շրջանակում մրցակցի հարկի տակ հարաբերությունները պարզելու են «Դիժոնի» հետ։

Նա ավելի լավն է, քան Ռոնալդուն՝ «Մոնակոյի» նախկին տնօրենը նշել է, թե որ ակումբում է վիճակված խաղալ Մբապեին