Կայացել է ձյան վոլեյբոլի Հայաստանի բաց առաջնությունը

Հունվարի 20-ին եւ 21-ին կայացել է ձյան վոլեյբոլի «Ծաղկաձոր օփեն 2018» Հայաստանի բաց առաջնությունը: Մրցաշարին մասնակցել են տղամարդկանց 16 եւ կանանց 14 թիմեր, այդ թվում մեկական թիմեր Վրաստանից:

Տղամարդկանց պայքարում չեմպիոն դարձել է Անդրե Սիմոնի-Աշոտ Բալաբեկյան զույգը: Այս հաղթանակի շնորհիվ Անդրեն եւ Աշոտն իրավունք են ստացել մասնակցելու 2018 թվականի ձյան վոլեյբոլի առաջին Եվրոպայի առաջնությանը, որը կկայանա Ավստրիայում:

Կանանց պայքարում առաջին տեղը զբաղեցել է Վրաստանի ԵՌՏՀ թիմի Մարի-Իրինա զույգը:

Լուսանկարը՝ Հայաստանի վոլեյբոլի ֆեդերացիայի