Հայաստանի եւս մեկ ռեկորդ եւ միջազգային կարգի սպորտի վարպետի նորմա

Ինդիանապոլիսում Հայաստանի լողորդներն ավարտեցին մրցելույթներն աշխարհի պատանեկան առաջնությունում:

Մրցումային վերջին օրն Արթուր Բարսեղյանը 100 մետր ազատ լողաոճում մրցատարածությունն անցավ 0.51.49 ժամանակում: Արթուրն այս արդյունքով սահմանեց Հայաստանի մեծահասակների եւս մեկ ռեկորդ, ինչպես նաեւ լրացրեց միջազգային կարգի սպորտի վարպետի նորմա:

Անի Պողոսյանն ու Վարսենիկ Մանուչարյանը մասնակցեցին 50 մետր ազատ ոճին եւ ցույց տվեցին, համապատասխանաբար, 0.27.56 եւ 0.27.95 արդյունք: