Մենք բավական լավ հանդիպում անցկացրեցինք. Գվարդիոլա

«Մանչեսթեր Սիթիի» գլխավոր մարզիչ Խոսեպ Գվարդիոլան մեկնաբանել է International Champions Cup-ում «Մանչեսթեր Յունայթեդից» կրած պարտությունը (0:2) «Սա շատ լավ մարզանք էր: Մրցակիցը մի քայլ առաջ էր պատրաստվածության առումով, նրանք արդեն երկու հանդիպում են անցկացրել: Ես այսօր շատ լավ բաներ տեսա մեր խաղում: Մրցակիցը շատ վտանգավոր է առջևում: Մենք երկու գոլ բաց թողեցինք հակագրոհներից հետո: Նրանք նաև ստանդարտներից են ուժեղ: Մենք բավական լավ հանդիպում անցկացրեցինք, հատկապես՝ երկրորդ խաղակեսում: Անհատապես որոշ ֆուտբոլիստներ շատ լավ խաղացին: Գոհ եմ տղաների ցուցադրած խաղից: