Բռնցքամարտիկները հավաք են անցկացնում

Բռնցքամարտի Հայաստանի հավաքականն այս օրերին ուսումնամարզական հավաք է անցկացնում Երևանի «Օլիմպիական ապագա» մարզաբազայում՝ նախապատրաստվելով փետրվարի 20-27-ը Սոֆիայում կայանալիք Ստրանջայի միջազգային մրցաշարին։

Ինչպես տեղեկացնում է ՀԲՖ մամուլի ծառայությունը՝ Դավիթ Թորոսյանի գլխավորությամբ հավաքին մասնակցում են 19 մարզիկներ։ Հավաքը կավարտվի փետրվարի 17-ին։ Մրցաշարին մասնակցող բռնցքամարտիկների անունները կհրապարակվեն ավելի ուշ: