Արոնյանի ու Կաոիլիի արկածները Իրանում

Հայաստանի ուժեղագույն շախմատիստ Լեւոն Արոնյանը եւ նրա ընկերուհին կինը՝ Արիանա Կաոիլին, օրերս լուրջ փորձության են ենթարկվել:

Զույգը նախորդ շաբաթ ճամփորդության է մեկնել Իրանի Իսլամական Հանրապետություն: Իրանում Արոնյանն ու Կաոիլին ցանկացել են բարձրանալ այդ երկրի ամենաբարձր գագաթը՝ Դեմավենդ լեռը:

Ըստ որոշ տեղեկությունների, վերելքի ժամանակ ուժեղ բուք է սկսվել, որի պատճառով ընդհատվել է կապը ճամբարի հետ: Լեռնագնաց ամուսինների մասին երկու օր լուր չի ստացվել։

Այժմ, սակայն, Լեւոն Արոնյանն ու Արիանա Կաոիլին բարեհաջող վերադարձել են ճամբար, իսկ այժմ գտնվում են Թեհրանում Հայաստանի դեսպանատանը: Նրանց կյանքին ոչ մի վտանգ չի սպառնում: