Ալբերտ Ղազարյանը հաղթեց ադրբեջանցի մրցակցին (տեսանյութ + լուսանկար)
08.05.16 23:50
Մոսկվայի "Լուժնիկի" մարզահամալիրում րոպեներ առաջ ավարտվեց Ալբերտ Ղազարյան (Հայաստան) Ռուսլան Մուրթազով (Ադրբեջան) մենամարտը: Ի հուրախություն մեզ, մեր Ալբերտը մրցակցին հաղթեց խեղդող հնարքով ու դարձավ OFC-8 մրցաշարի հաղթող: Մրցակցին ծնկի բերելու համար Ալբերտից 1 րոպե ժամանակ պահանջվեց. Հստակ ու արագ:
Թերևս շատ գեղեցիկ ու տպավորիչ էր Ալբերտի՝ ռինգ մտնելը: Արմֆայթինգ ֆեդերացիայի նախագահ Հայկ Ղուկասյանը իր սանին լավագույնս էր պատրաստել ինչպես հոգեպես, այնպես էլ ֆիզիկապես և դա նկատվեց առաջին իսկ րոպեից:
Ալբերտը ռինգ մտավ Հայ Զինվորի համազգեստով, ինչն էլ շատ գեղեցիկ ու հուզիչ ստացվեց: Հաղթանակից վայրկյաններ անց Ալբերտը հայտարարեց, որ իր հաղթանակը նվիրում է մեր բոլոր զինվորներին, ովքեր այս պահին գտնվում են սահմանին, պաշտպանում են հայրենիքի սահմանները:
Ի սրտե շնորհավորում ենք Ալբերտ Ղազարյանին, գեղեցիկ ու շատ կարևոր հաղթանակի համար:
