Գուրգեն Հովհաննիսյանը` արծաթե մեդալակիր

Անապայում ավարտվեց Նիկոլայ Պավլյուկովի անվան երիտասարդների միջազգային հուշամրցաշարը, որին Հայաստանը մասնակցում էր 8 մարզիկով:

Ինչպես տեղեկացնում է Հայաստանի բռնցքամարտի ֆեդերացիայի մամուլի ծառայությունը` Հայաստանի վերջին ներկայացուցիչը` գերծանր քաշային Գուրգեն Հովհաննիսյանը, ով կիսաեզրափակչում 3:0 հաշվով հաղթել էր վրացի մարզիկին, եզրափակչում պարտվեց Ռուսաստանի չեմպիոնին եւ նվաճեց արծաթե մեդալ:

Հովհաննիսյանն իր առաջին մենամարտում՝ քառորդ եզրափակչում հաղթել էր Ռուսաստանի ներկայացուցչին:

Այսպիսով հայ բռնցքամարտիկները Անապայից կվերադառնան 1 մեդալով: