Դավիթ Խաչատրյան - Վեներ Գալիև մրցամարտը` ապրիլի 22-ին (տեսանյութ)
09.03.16 12:30
Fight Nights Global պրոմոութերական կազմակերպությունը փետրվարի վերջին հայտարարեց Ուֆայում ապրիլի 22-ին կայանալիք իր առաջիկա մրցաշարի մասին:
Հայտնի է, որ մրցաշարի գլխավոր մարտում կհանդիպեն ProFC վարկածով աշխարհի չեմպիոն, հետխորհրդային տարածքում ամենատպավորիչ ռեկորդների հեղինակ Դավիթ Խաչատրյանն ու ռուս մարզիկ Վեներ Գալիևը: Այս մրցամարտի մասին դեռևս հունվարին մեր թղթակցի հետ զրույցում նշել էր հենց Խաչատրյանը:
28-ամյա Դավիթ Խաչատրյանը իր պրոֆեսիոնալ կարիերայի ընթացքում 24 մրցամարտ է անցկացրել: Իր վերջին մրցամարտում` դեկտեմբերի 11-ին Մոսկվայում կայացավ FIGHT NIGHTS "БИТВА 20"-ում, հայ մարտիկը մրցավարների միաձայն որոշմամբ պարտվել է ռուսաստանից Ախմետ Ալիևին` 2-րդ ռաունդում աչքի ցավալի վնասվածք ստանալուց հետո: Դա Դավթի 1-ին պարտությունն էր Fight Night-ում:
Իսկ 40-ամյա Վեներ Գալիևը 26 հաղթանակ ունի ու 8 պարտություն: Գալիևի վերջին մրցակիցը նույն Ախմետ Ալիևն է եղել, ում Գալիևը հաղթել է տեխնիկական նոկաուտով 2-րդ ռաունդում:
Նշենք, որ Գալիևը դեկտեմբերին կայացած Դավիթ Խաչատրյան-Ախմետ Ալիև մրցամարտից հետո հայտարարել էր, որ ինքը Դավթին հեշտությամբ կհաղթի. «Ես չգիտեմ` ինչպես դա մաթեմատիկորեն արտահայտել, բայց մինչ Ամխետի ու Դավթի մրցամարտը ես նայում էի Խաչատրյանի այլ մրցամարտեր ու ինձ բռնեցրեցի այն մտքի վրա, որ հանգիստ կմրցամարտեի Դավթի հետ: Ես նրանում չեմ տեսնում այնպիսի մի բան, որը անհաղթահարելի է:....
Ինձ հետաքրքիր է Խաչատրյանի հետ մրցամարտելը: Իսկ դրանից հետո արդեն կարելի է նաև Ախմետ Ալիևի հետ մրցամարտել կամ եռակի դիմակայում սկսել»,-ասել է Գալիևը:
