Բռնցքամարտի հավաքականի ծաղկաձորյան հավաքը մեկնարկեց

Բռնցքամարտի Հայաստանի հավաքականը մարտի 9-20-ը հավաքականի գլխավոր մարզիչ Կարեն Աղամալյանի գլխավորությամբ ուսումնամարզական հավաք կանցկացնի Ծաղկաձորում:

Ինչպես տեղեձկացնում է ՀԲՖ-ի մամուլի ծառայությունը` ծաղկաձորյան հավաքին կմասնակցեն 29 մարզիկ, այդ թվում նաև 4 աղջիկ-բռնցքամարտիկ:

Գլխավոր մարզչին կօգնեն ավագ մարզիչ Արման Հարությունյանն ու աղջիկների հավաքականի գլխավոր մարզիչ Հարություն Նազարյանը:

Հիշեցնենք, որ ապրիլի 7-ին Թուրքիայի Սամսուն քաղաքում կմեկնարկի բռնցքամարտի Եվրոպայի առաջնությունը, որը վարկանիշային է օլիմպիական խաղերի համար:

Լուսանկարը` ՀԲՖ ֆեյսբուքյան էջից