Autosport. FIA-ի համաշխարհային խորհուրդը հաստատել է որակավորման նոր ձևաչափը

FIA-ի` ավտոսպորտի Համաշխարհային խորհուրդը Ժնևում այսօր հաստատել է որակավորման մրցումների նոր ձևաչափը` նոկաուտ-համակարգով իր առաջնային տարբերակով: Այս մասին պնդում է բրիտանական Autosport-ը` հղում կատարելով իր աղբյուրներին: Նոր ձևաչափը կգործարկվի արդեն Ավստրալիայում:

Այսօր երեկոյան ակնկալվում է տեղեկության պաշտոնական հաստատումը:

Ահա թե ինչ է ենթադրում որակավորման նոր ձևաչափը.

1-ին սեգմենտ

-ընդհանուր ժամանակը` 16 րոպե

-7 րոպեից հետո ամենադանդաղ արշավորդը լքում է պայքարը:

-դրանից հետո յուրաքանչյուր 1.5 րոպեն մեկ պայքարը հաջորդաբար լքում են ամենադանդաղները

-ընդհանուր պայքարը լքում է 7 արշավորդ, մնում են 15-ը:

2-րդ սեգմենտ

-ընդհանուր ժամանակը` 15 րոպե

-6 րոպեից հետո ամենադանդաղ արշավորդը լքում է պայքարը:

-դրանից հետո յուրաքանչյուր 1.5 րոպեն մեկ պայքարը հաջորդաբար լքում են ամենադանդաղները

-ընդհանուր պայքարը լքում է 7 արշավորդ, մնում են 8-ը:

3-րդ սեգմենտ

-ընդհանուր ժամանակը` 14 րոպե

-5 րոպեից հետո ամենադանդաղ արշավորդը լքում է պայքարը:

-դրանից հետո յուրաքանչյուր 1.5 րոպեն մեկ պայքարը հաջորդաբար լքում են ամենադանդաղները

-վերջին 1.5 րոպեում պայքարում են միայն 2 արշավորդ

Արշավորդների` դուրս մնալու գործընթացը ավարտվում է շախմատաձև դրոշակով: