Մաքսիմ Մանուկյանը` արծաթե, Արթուր Շահինյանը` բրոնզե մեդալակիրՄաքսիմ Մանուկյանը` արծաթե, Արթուր Շահինյանը` բրոնզե մեդալակիր

Մաքսիմ Մանուկյանը` արծաթե, Արթուր Շահինյանը` բրոնզե մեդալակիր

01.02.16 09:10
Մաքսիմ Մանուկյանը` արծաթե, Արթուր Շահինյանը` բրոնզե մեդալակիր

Բուլղարիայի մայրաքաղաք Սոֆիայում ավարտվեց Դան Կոլովի և Նիկոլա Պետրովի անվան ըմբշամարտի միջազգային 54-րդ մրցաշարը, որին հերթական անգամ խիստ արդյունավետ մասնակցեցին հայ հունահռոմեական ոճի ըմբիշները:

Մրցումային վերջին օրը մրցագորգ դուրս եկան Հայաստանի հավաքականի անդամներ` 85կգ քաշայիններ Մաքսիմ Մանուկյանն ու Արթուր Շահինյանը:

Ինչպես տեղեկացնում է ՀԱՕԿ-ի պաշտոնական կայքը` մեկնարկային գոտեմարտում Արթուր Շահինյանը 8:0 հաշվով հաղթեց Ալժիրի ներկայացուցիչ Սիդազարա Բաչիրին: Քառորդ եզրափակչում հայ ըմբիշը տուշեով հաղթեց եգիպտացի Մոհամեդ Ահմեդին: Կիսաեզրափակչում Արթուր Շահինյանի մրցակիցը Հայաստանի մյուս ներկայացուցիչ Մաքսիմ Մանուկյանն էր, որտեղ Շահինյանը 0:3 հաշվով զիջեց իր թիմակցին: Բրոնզե մեդալի համար պայքարում հայ ըմբիշը դժվարին պայքարում 2:2 հաշվով հաղթեց բուլղար մրցակցին:

Մաքսիմ Մանուկյանը 1/8 եզրափակչում հաղթեց բուլղար Հրիստո Մարինովին: Հայ ըմբիշը քառորդ եզրափակչում 8:0 հաշվով հաղթեց իրանցի Սոհելի Ռաեսիին: Կիսաեզրափակչում Մանուկյանը 3:0 հաշվով առավելության հասավ Արթուր Շահինյանի նկատմամբ և դուրս եկավ եզրափակիչ, որտեղ 0:2 հաշվով զիջեց Բուլղարիան ներկայացնող ըմբիշին:

Դան Կոլովի և Նիկոլա Պետրովի անվան միջազգային 54-րդ մրցաշարում, որտեղ Հայաստանը ներկայացնում էին Նարեկ Խաչատրյանը, Գևորգ Ղարիբյանը (59 կգ), Միհրան Հարությունյանը (71 կգ), Կարապետ Չալյանը (75 կգ), Մաքսիմ Մանուկյանը, Արթուր Շահինյանը (85 կգ), Արթուր Ալեքսանյանը (98 կգ) և Էդգար Խաչատրյանը (130 կգ) հայ ըմբիշները նվաճեցին 3 ոսկե, 2 արծաթե և 2 բրոնզե մեդալ:



sport.slaq.am - Սպորտային Լրատվություն




 



 
Ամենաընթերցված