Ֆյուրին կզրկվի IBF չեմպիոնի գոտուց
10.12.15 13:29
Բռնցքամարտի միջազգային ֆեդերացիան (IBF) որոշում է ընդունել` զրկվել բրիտանացի բռնցքամարտիկ Թայսոն Ֆյուրիին գերծանր քաշային կարգում աշխարհի չեմպիոն տիտղոսից: Այս մասին տեղեկացնում է BBC-ն` հղում անելով IBF-Ի չեմպիոնական մրցամարտերի անցկացման կոմիտեի նախագահ Լինդսի Թակերին:
Այս որոշումն ընդունվեկ է այն բանի պատճառով, որ Ֆյուրին հրաժարվել է տիտղոսի պարտադիր պաշտպանության մրցամարտից պարտադիր հավակնորդ Վյաչեսլավ Գլազկովի հետ:
Հիշեցնենք, որ նոյեմբերի 28-ին Թայսոն Ֆյուրին մրցամարտել էր Վլադիմիր Կլիչկոյի հետ, վերջինիս հաղթել ու նվաճել IBF/IBO/WBA/WBO վարկածներով գոտիները: Այս ամենից հետ IBF-ը պարտադրել էր Ֆյուրիին` հաջորդ մրցամարտում հանդիպել Գլազկովի հետ, սակայն բրիտանացու պայմանագրում Կլիչկոյի հետ անհապաղ ռևանշ-մրցամարտի օպցիա կար, որից էլ ուկրաինացին որոշել էր օգտվել:
