Հրայր Շահվերդյանն ու Դավիթ Չալոյանը պարտություն կրեցին

Լեհաստանում ընթացող բռնցքամարտի Եվրոպայի երիտասարդական առաջնության մրցումային հերթական օրն անհաջող անցավ հայ բռնցքամարտիկների համար:

Երեկ ռինգ դուրս եկած մեր 2 պատվիրակներն էլ պարտություն կրեցին: Ինչպես տեղեկացնում է Հայաստանի բռնցքամարտի ֆեդերացիայի պաշտոնական կայքը՝ 56 կգ քաշային Հրայր Շահվերդյանը պարտվեց Վրաստանի ներկայացուցիչ Գագիկ Պոզոյանին, իսկ 91 կգ քաշային Դավիթ Չալոյանը պարտվեց Միխել Պավել Զուրակովսկիին:

Այսօր ռինգ դուրս կգա 60 կգ քաշային Սպարտակ Թամարյանը: Մեր մարզիկը 1/8 եզրափակչում կմրցի հունգարացի Ռիչարդ Կովաչի հետ: