Ուժերը փորձում են նաև տղաները
20.08.15 13:35
Այս օրերին Գրոզնիում Կադիրովի անվան միջազգային մրցաշարում իրենց ուժերն են փորձում տղամարդկանց մեծահասակների հավաքականի մի շարք բռնցքամարտիկներ:
Ինչպես տեղեկացնում է Հայաստանի բռնցքամարտի ֆեդերացիայի մամուլի ծառայությունը՝ այս պահի դրությամբ մեր բռնցքամարտիկներից ռինգ են դուրս եկել 64 կգ քաշային Արա Պուլուզյանը և 69 կգ քաշային Արման Դարչինյանը:
Հաղթանակ է տոնել միայն Դարչինյանը, ով առավելության է հասել Ղազախստանը ներկայացնող բռնցքամարտիկի նկատմամբ:
Հիշեցնենք, որ զուգահեռ՝ Հունգարիայում ընթացող բռնցքամարտի Եվրոպայի երիտասարդների առաջնությունում մեր 51կգ քաշային Անուշ Գրիգորյանը առնվազն բրոնզե մեդալ է ապահովել՝ ¼ եզրափակչում 3:0 հաշվով վստահ հաղթանակ տոնելով տանտեր Ալեխանդրա Վիգլասի նկատմամբ և դուրս գալով կիսաեզրափակիչ: Այսօր՝ կիսաեզրափակիչ մենամարտում մեր մարզուհու մրցակիցը Մեծ Բրիտանիան ներկայացնող Ալիս Ջոնսն է:
