Արման Հովհիկյանը նույնպես հաղթահարեց մեկնարկային փուլի արգելքը

Բուլղարիայի Սամակով քաղաքում ընթացող բռնցքամարտի Եվրոպայի մեծահասակների առաջնության 2-րդ օրը հաղթական եղավ 75 կգ քաշային Արման Հովհիկյանի համար:

Հայ բռնցքամարտիկը դժվարին պայքարում հաղթելով հույն Ծաղրակոս Պուլիկոսին դուրս եկավ հաջորդ փուլ: Ցավոք, մեր մյուս բռնցքամարտիկը՝ 69 կգ քաշային Վլադիմիր Մարգարյանը, չկարողացավ հաղթել Ֆրանսիան ներկայացնող բռնցքամարտիկին և դուրս մնաց հետագա պայքարից:

Այսօր իրենց մեկնարկային մենամարտերը կանցկացնեն 49 կգ քաշային Արթուր Հովհաննիսյանը և 81 կգ քաշային Նիկոլ Արությունովը:

Հովհաննիսյանի մրցակից կլինի բուլղարացի Տինկո Բանաբակովը, իսկ Արությունովը կմենամարտի Մոնտենեգրոն ներկայացնող Բասկո Դրասկովիչի հետ: