Չեմպիոնի չեմպիոնական վերադարձը

Թբիլիսում ընթացող ծանրամարտի Եվրոպայի առաջնության մրցումային 4-րդ օրը հարթակը տրամադրվեց 77 կգ քաշային ծանրորդներին: Հայաստանը ուներ 2 ներկայացուցիչ՝ բազմափորձ Տիգրան Մարտիրոսյանն ու երիտասարդ Անդրանիկ Կարապետյանը:

Մրցումային 4-րդ օրը շատ հաջող ստացվեց մեզ համար: Ի ուրախություն մեզ՝ պատվո պատվանդանի առաջին ու 3-րդ աստիճաններին կանգնեցին հայ ծանրորդները ու ի պատիվ Տիգրան Մարտիրոսյանի Թբիլիսում հնչեց հայոց օրհներգը:

Տիգրան Մարտիրոսյանը երկամարտի 351 կգ՝ (160+191) արդունքով հռչակվեց Եվրոպայի եռակի չեմպիոն: ԵՐիտասարդ ծանրորդ Անդրանիկ Կարապետյանը 350 կգ եզրափակեց լավագույն եռյակը: