Ջոկովիչ. «Կարիերայիս գագաթնակետին եմ»

Աշխարհի առաջին ռակետ, Australian Open-ի և Indian Wells-ի հաղթող Նովակ Ջոկովիչն ասել է, որ այժմ իր կարիերայի գագաթնակետին է:

«Այժմ ես կարիերայիս գագաթնակետին եմ: Ես կփորձեմ օգտագործել դա, որ պահպանեմ իմ դիրքը և պայքարեմ խոշորագույն տիտղոսների համար:

Ես գիտեմ, որ իմ կարիերան, ինչպես նաև ցանկացած մարզիկի կարիերան չի կարող հավետ լինել: Ես չեմ կարող երկար տարիներ բարձունքում լինել:

Ես գիտեմ, որ իմ հաջողությունը 1 մրցաշարի արդյունք չէ, մի քանի շաբաթների աշխատանք չէ: Դա բազմամյա աշխատանքի արդյունք է: Միայն այդպես ես կարող եմ երկար տարիներ լինել այս մակարդակում»,- սերբ թենիսիստի խոսքն է մեջբերում Tennis.com-ը: