Ֆեդերերն ուզում է վերադառնալ առաջին հորիզոնական

Աշխարհի 2-րդ ռակետ Ռոջեր Ֆեդերերն ասել է, որ կցանկանար վերադառնալ վարկանշի առաջին հորիզոնական և հաղթել Wimbledon-ում:

«Ես կցանկանայի վերադառնալ վարկանշի 1-ին հորիզոնական: Բայց Նովակ Ջոկովիչի պատճառով դա անելը շատ բարդ է:

Ընդհանրապես ընթացիկ մրցաշարջանն այնպես է, որ ես Wimbledon-ից առաջ մարզավիճակիս գագթնակետին եմ: Ես կցանկանայի ևս մեկ անգամ հաղթել այնտեղ»,- թենիսիստի խոսքն է մեջբերում АТР պաշտոնական կայքը:

Այս շաբաթվա վարկանշով Ջոկովիչի և Ֆեդերերի տարբերությունը կազմում է 4000 միավոր: