Ալմաթի-2014. առայժմ առանց մեդալների
12.11.14 22:04Ղազախստանի Ալմաթի քաղաքում շարունակվում է ծանրամարտի աշխարհի առաջնությունը, որին մասնակցում են նաև Հայաստանի տղամարդկանց ու կանանց հավաքականները: Մրցումային հերթական օրը հարթակը տրամադրվել էր 63 կգ քաշային կանանց և 77 ու 85կգ տղամարդկանց:
Կանանց պայքարում այսօր հարթակում տեսանք Իզաբելա Յայլյանին: Մեր մարզուհին հանդես եկավ B խմբում, որտեղ երկամարտի 207 կգ (97+110) արդյունքով գրավեց 7-րդ տեղը:
77կգ քաշայինների պայքարում իր ուժերը չափեց Արա Խաչատրյանը: Արան ներկայացավ A խմբում: Երկամարտի արդյունքում նա հավաքեց 330 կգ. ու գրավեց 16-րդ տեղը:
Իր ելույթները Ալմաթիում ավարտեց նաև Աղասի Աղասյանը: 85կգ քաշայինների պայքարում Աղասյանը երկամարտի 353 կգ արդյուքով B խմբում գրավեց 5-րդ տեղը: Նշենք, որ Աղասին պոկում վարժության ժամանակ գլխավերևում պահեց 156 կգ. կշռող ծանրաձողը, իսկ հրման ժամանակ 197 կգ: