Հակոբ Մկրտչյանը՝ բրոնզե մեդալակիր (լուսանկարներ)

Լեհական Ցեխանուվում անցնող ծանրամարտի Եվրոպայի պատանեկան առաջնությունում ավարտվեց 77կգ քաշային պատանիների պայքարը:

Այս քաշային կարգում հանդես էր գալիս մեր պատանի ծանրորդ Հակոբ Մկրտչյանն, ով երկամարտի 290կգ արդյունքով (130+160) դարձավ Եվրոպայի բրոնզե մեդալակիր:

Չեմպիոն հռչակվեց բուլղարացի Բոժիդար Անդրեևը՝ երկամարտի 309կգ արդյունքով: Երկրորդը թուրք Սադրեդին Գեդիկն է՝ 294կգ-ով:

Նշենք, որ այսօր դեռ հարթակ է դուրս գալու 85կգ Սամվել Գասպարյանը՝ նախնական 290կգ երկամարտի հայտով: Հարկ է նշել, որ այդչափ քաշ նախնապես հայտավորել է նաև թուրք Էմրե Թուրանը, իսկ դրանից ավել՝ 315կգ, հայտավորել է ռուս Իլյա Աթնաբաևը: