Տիգրան Մարտիրոսյան. «Մեր գլխավոր նպատակը աշխարհի առաջնությունն է»
14.04.14 16:27
Երեկ «Զվարթնոց» օդանավակայանում դիմավորեցին Թել-Ավիվում ավարտված ծանրամարտի Եվրոպայի առաջնության մասնակիցներին ու մեդալակիրներին:
Աշխարհի 2010թ-ի չեմպիոն Տիգրան Մարտիրոսյանը լրագրողների հետ զրույցում ասաց, որ մեր հավաքականի գլխավոր նպատակը աշխարհի առաջնությունն է:
Հիշեցնենք, որ Եվրոպայի այս առաջնությունում Տիգրանը պոկում վարժությունում գլխավերևում պահեց 157կգ կշռող ծանրաձող ու նվաճեց փոքր ոսկե մեդալ: Իսկ երկամարտի 342կգ արդյունքով Մարտիրոսյանը 4-րդ էր:
«Հայաստանի առաջնությունից առաջ մի փոքր վնասվածք ունեի, այդ պատճառով էլ չմասնակցեցի հրում վարժությանը:
2 տարի դադարից հետո Եվրոպայի առաջնությանը կրկին հարթակ դուրս եկա, ինձ լավ էի զգում: Կային որոշակի թերություններ, որոնք երկար ժամանակ մրցումներին չմասնակցելու արդյունք էր:
Հիմա արդեն հարթակը լավ եմ զգում, չկա ոչ մի լարվածություն:
Մեր հավաքականի գլխավոր նպատակը աշխարհի առաջնությունն է: Միայն 7-8 ամիս ժամանակ ունենք լավ նախապատրաստվելու ու խաղերից առաջ հնարավորինս շատ օլիմպիական վարկանիշներ ձեռք բերելու համար»,-ասաց Տիգրան Մարտիրոսյանը:
