Պայքարի մեջ են մտել նաև հայ ծանրորդուհիները

Թել Ավիվում շարունակվում է ծանրամարտի Եվրոպայի առաջնությունը: Մրցահարթակ են դուրս եկել նաև հայ ծանրորդուհիները:

48կգ քաշային Էլեն Գրիգորյանը մասնակցել է B խմբում: Ինչպես տեղեկացրել էինք, մեր մարզուհին այս խմբում զբաղեցրել է 1-ին տեղը երկամարտում հավաքելով 149կգ, բայց ընդհանուր հաշվարկում Էլենը 13 մարզուհիների պայքարում գրավել է 10-րդ տեղը:

Այսօր մրցահարթակ է դուրս եկել նաև 52կգ քաշային Աննա Գովելյանը: Երկամարտի արդյունքում Աննան հավաքել է 174 միավոր ու զբաղեցրել է 5-րդ տեղը:

Հիշեցնենք, որ Եվրոպայի առաջնությունում ծանրամարտի Հայաստանի հավաքականը ևս 1 ներկայացուցիչ ունի: 75+ քաշային կարգում հանդես է գալու օլիմպիական խաղերի բրոնզե մեդալակիր Հռիփսիմե Խուրշուդյանը: