Հայաստանի չեմպիոնը դժգոհ չէ իր արդյունքից

Ծանրամարտի տղամարդկանց 2014թ Հայաստանի առաջնության մրցումային երրորդ օրը հարթակ բարձրացան նաև 94կգ քաշային կարգի մարզիկները, որտեղ պոկում վարժությունում բարձրացնելով 150կգ, հրելով՝ 188կգ, երկամարտի 338կգ արդյունքով առաջին տեղ գրավեց Միքայել Միքայելյանը:

Մրցումներից հետո նորընծա չեմպիոնը իր տպավորություններով կիսվեց մեզ հետ:

«Իմ արդյունքները միջին չափով կարող եմ գնահատել, ոչ շատ լավ, ոչ շատ վատ: Բայց մինչ մրցումները մի փոքր ավելին էի նախատեսել: Պոկումում ցանկանում էի 155կգ բարձրացնել, հրումն էլ 190կգ: Ուղակի մարզիչները որոշեցին, որ այսքանն էլ բավական է: Ինքս գոհ եմ իմ ելույթներից, պատրաստ էի և՛ պոկում վարժությանը, և՛ հրմանը: Մրցակիցս իսկապես ուժեղ էր, նա էլ էր հավակնում առաջին տեղին»,- ասաց Միքայել Միքայելյանը: