Արսեն Պետրոսյանը տեղափոխվեց բելգիական «Գանշորեն»

«Գանձասար-Կապանի» և Հայաստանի ազգային հավաքականի նախկին դարպասապահ Արսեն Պետրոսյանը հանդես կգա բելգիական «Գանշորեն» ակումբում: Այս մասին տեղեկացնում է կապանյան ակումբի մամուլի ծառայությունը՝ նշելով, որ 25-ամյա ֆուտբոլիստը կես տարվա պայմանագիր է ստորագրել Բրյուսելը ներկայացնող թիմի հետ։

Նշենք, որ «Գանշորենը» հանդես է գալիս Բելգիայի սիրողական 3-րդ դիվիզիոնում և ընթացիկ առաջնությունում 16 խաղում վաստակելով 17 միավոր՝ զբաղեցնում է 10-րդ հորիզոնականը։