Ռոնալդուն գերազանցել է Մեսսիի ցուցանիշը

Աշխարհի ակումբային առաջնության եզրափակչում «Ռեալը» 4:2 հաշվով (լրացուցիչ ժամանակում) հաղթել է ճապոնական «Կասիմա Անտլերսին»: Այդ խաղում հեթ-տրիկ է ձևակերպել Կրիշտիանու Ռոնալդուն:

Պորտուգալացին միջազգային ակումբային մրցաշարերում խփել է 103-րդ գոլը:

Ոսկե գնդակի քառակի դափնեկիրը գերազանցել է Լիոնել Մեսսիի արդյունքը, ով միջազգային ակումբային ասպարեզում խփել է 101 գոլ:

Ռոնալդուն 96 գոլ խփել է Չեմպիոնների լիգայում, 2-ը՝ Եվրոպայի Սուպերգավաթում և 5-ը՝ աշխարհի ակումբային առաջնությունում: