«Ռեալը»՝ աշխարհի ակումբային չեմպիոն

Րոպեներ առաջ ճապոնական Յոկոհամայում ավարտվեց աշխարհի ակումբային առաջնության եզրափակիչ խաղը, որում հանդիպեցին Մադրիդի «Ռեալն» ու ճապոնական «Կասիմա Անտլերսը»: Արքայական ակումբը համառ պայքարում դարձավ Աշխարհի ակումբային առաջնության չեմպիոն:

Հանդիպման հիմնական ժամանակն ավարտվեց ոչ-ոքի՝ 2:2: հաշիվը բացել էր Բենզեման, իսկ ճապոնական թիմի 2 գոլերից հետո այն հավասարեցրել էր Կրիշտիանու Ռոնալդուն, ով դիպուկ էր գտնվել 11 մետրանոցն իրացնելիս:

Լրացուցիչ ժամանակի 98-րդ և 104-րդ րոպեներին Ռոնալդուի գոլերը հաղթանակ է պարգևել «Ռեալին»:

Նշենք, որ մադրիդյան թիմը 2-րդ անգամ է դառնում Աշխարհի ակումբային առաջնության հաղթող. նախորդ անգամ հաջողությունը եղել էր 2014 թվականին: