Մեկնարկում է շախմատի Հայաստանի առաջնությունը

Այսօր՝ հունվարի 11-ին, Տիգրան Պետրոսյանի անվան շախմատի տանը կայանալու է շախմատի տղամարդկանց 76-րդ և կանանց 71-րդ ՀՀ առաջնությունների բացման հանդիսավոր արարողությունը: Այս մասին տեղեկացնում է Հայաստանի սպորտի և երիտասարդության հարցերի նախարարության պաշտոնական կայքը:

Տղամարդկանց ՀՀ առաջնությունն ընթանալու է 2016 թվականի հունվարի 11-24-ը: Նախնական տվյալներով մրցաշարին կմասնակցեն 12 շախմատիստներ՝ Տիգրան Պետրոսյանը, Ռոբերտ Հովհաննիսյանը, Արման Փաշիկյանը, Սամվել Տեր-Սահակյանը, Զավեն Անդրիասյանը, Հովհաննես Գաբուզյանը, Հովիկ Հայրապետյանը, Մանուել Պետրոսյանը, Լևոն Բաբուջյանը, Արման Միքայելյանը, Նորայր Թորոսյանը և Հայաստանի գործող չեմպիոն Կարեն Գրիգորյանը:

Կանանց ՀՀ առաջնությունն ընթանալու է 2016 թվականի հունվարի 11-22-ը: Այս պահի դրությամբ մրցաշարում ուժերը կչափեն 10 շախմատիստուհիներ՝ Մանե Ադամյանը, Սոնա Ասատրյանը, Արմինե Բաբայանը, Սուսաննա Գաբոյանը, Նարինե Գասպարյանը, Մարիա Գևորգյանը, Սիրանուշ Ղուկասյանը, Արփինե Գրիգորյանը, Աննա Հայրապետյանը, Աննա Սարգսյանը: