Հայաստանի տղամարդկանց ազգային հավաքականը՝ Եվրոպայի թիմային առաջնության փոխչեմպիոն

Իսլանդիայի մայրաքաղաք Ռեյկյավիկում ավարտվեց Եվրոպայի շախմատի թիմային առաջնություն, որում հիանալի արդյունքի հասավ Հայաստանի տղամարդկանց ազգային հավաքականը՝ դառնալով առաջնության արծաթե մեդալակիր:

9-րդ տուրում մեր տղաները 3:1 հաշվով հաղթեցին Վրաստանի ընտրանուն ու 13 միավորով բաժանեցին 2-4 տեղերը՝ լրացուցիչ ցուցանիշներով ճանաչվելով Եվրոպայի թիմային առաջնության փոխչեմպիոն:

Չեմպիոնի կոչմանն արժանացավ Ռուսաստանի հավաքականը, բրոնզե մեդալները բաժին հասան Հունգարիայի ընտրանուն:

Ինչ վերաբերում է կանանց մրցաշարին, ապա այստեղ նույնպես հաղթող ճանաչվեցին ռուսները: Կանանց մեր ընտրանին միայն 11-րդն է՝ 9-րդ տուրում 3.5:0.5 հաշվով Չեխիայի հավաքականին հաղթելուց հետո:

Հայաստան – Վրաստան՝ 3:1

Արոնյան – Ջոբավա 1:0

Սարգսյան – Մչեդիշվիլի 1/2

Մովսիսյան – Պաիչաձե 1:0

Մելքումյան – Գագունաշվիլի 1/2

Հայաստան – Չեխիա 3.5 : 0.5

Դանիելյան – Հավլիկովա 1:0

Մկրտչյան – Օլսարովա 1/2

Գալոյան – Սիկորովա 1:0

Կուրսովա – Կուլովանա 1:0