Սերենա Ուիլյամսը բաց կթողնի մրցաշրջանի մնացած մասը

Աշխարհի 1-ին ռակետ Սերենա Ուիլյամսը հայտարարել է մրցաշրջանը ժամանակից շուտ ավարտելու մասին:

34-ամյա ամերիկուհին չեղարկել է իր մասնակցությունը Պեկինի մրցաշարում, ինչպես նաև՝ սինգապուրյան WTA Finals-ում:

Ամերիկուհու այս քայլի պատճառը առողջական խնդիրներն են. մարզուհին մրցաշրջանի ընթացքում բազմաթիվ վնասվածքների էր բախվել, իսկ նյյու-յորքյան մրցաշարում սրտի հետ կապված խնդիրներ էր ունեցել:

Նշենք նաև, որ Մեծ սաղավարտի մրցաշարերի 21-ակի չեմպիոնուհին ապահովել է իր համար մրցաշրջանի արդյունքով 1-ին ռակետի կոչումը: