Հայ շախմատիստները լավագույն արդյունքներն են գրանցել

ՖԻԴԵ-ի վարպետ Դավիթ Շահինյանը եւ միջազգային վարպետ Տիգրան Հարությունյանը մեծ հաջողության հասան Իրանի Սովմեսարա քաղաքում անցկացված օփենում,-հայտնում է armchess.am-ը:

Նրանք 9 հնարավորից վաստակեցին 7-ական միավոր եւ, առաջ անցնելով 41 մրցակիցներից, այդ թվում` 8 գրոսմայստերներից եւ 12 միջազգային վարպետներից, բաժանեցին 1-2-րդ տեղերը:

Հայ երիտասարդ շախմատիստները մեկ միավորով առաջ անցան մոտակա մրցակիցներից: Լրացուցիչ ցուցանիշներով Շահինյանին շնորհվեց առաջին, իսկ Հարությունյանին` երկրորդ մրցանակը: