Ուիլյամսը վնասվածքի պատճառով դուրս մնաց մրցաշարից

Աշխարհի առաջին ռակետ Սերենա Ուիլյամսը ծնկի վնասվածքի պատճառով ուրբաթ չմասնակցեց Indian wells-ի կիսաեզրափակիչ Սիմոնա Հալեպի դեմ խաղին:

«2 օր առաջ մարզմանը ես սուր ցավ զգացի ծնկիս շրջանում: Փորձեցի չհուսահատվել, բայց առավոտյան չէի կարողանում նույնիսկ հենվել ոտքիս վրա, հետևաբար՝ ստիպված էի ընդունել այս որոշումը:

Խաղալով ես կարող էի այլ խնդիրներ ձեռքբերել, քանի որ ստիպված կլինեի այդ վնասվածքը կոմպենսացնել մարմնի այլ մասերով:

Այդպես էլ ստանում են լուրջ վնասվածքները: Ընդհանուր առմամբ, խաղալն անմիտ կլիներ:

Այս մրցաշարում ես արել եմ այն, ինչ իմ ուժերի սահմաններում էր»,- Ուիլյամսի խոսքն է մեջբերում Sports Illustrated-ը: