Նադալ. «Չի կարելի հիշել, թե ինչ է եղել նախորդ տարի»

Ռաֆայել Նադալը, Indian Wells-ի 3-րդ շրջանում 6:4, 6:2 հաշվով հաղթելով Դոնալդ Յանգին, համեմատել է ընթացիկ մրցաշարը նախորդ տարվա հետ, երբ պարտվեց Ալեկսանդր Դոլգոպոլովին:

«Նախորդ տարին նախորդ տարի է: Չի կարելի յուրաքանչյուր մրցաշարի ժամանակ հիշել, թե ինչ է եղել այդտեղ նախորդ տարի: Յուրաքանչյուր միցաշրջան նոր մրցաշրջան է: Ինձ դուր է գալիս խաղալ այստեղ. խաղացողները լավն են, լավ է կազմակերպված:

Վաղը խաղալու եմ Ժիլ Սիմոնի հետ, նա մրցաշրջանի սկզբից լավ է խաղում:

Այսօր Յանգը շատ ագրեսիվ խաղաց և տարօրինակ սխալներ թույլ տվեց:»,- թենիսիստի խոսքն է մեջբերում մրցաշարի պաշտոնական կայքը: