Իզաբելլա Յայլյան. «Հաջորդ տարի ավելի բարձր արդյունքների կձգտեմ»Իզաբելլա Յայլյան. «Հաջորդ տարի ավելի բարձր արդյունքների կձգտեմ»

Իզաբելլա Յայլյան. «Հաջորդ տարի ավելի բարձր արդյունքների կձգտեմ»

26.11.14 12:36
Իզաբելլա Յայլյան. «Հաջորդ տարի ավելի բարձր արդյունքների կձգտեմ»


Կիպրոսում ընթացող ծանրամարտի մինչև 20 ու 23 տարեկանների Եվրոպայի առաջնությունում երեկ մեզ հերթական ուրախությունը պարգևեց Իզաբելլա Յայլյանը, ով վերջերս Ալմաթիում կայացած ծանրամարտի աշխարհի մեծահասակների առաջնությունում գրավել էր 19-րդ տեղը:

Լիմասոլում մեր մարզուհին երկամարտի 191կգ (85+106) արդյունքով ոսկե մեդալ նվաճեց: Շնորհավորելով երիտասարդ մարզուհուն՝ խնդրեցինք պատմել իր տպավորությունների մասին.

«Երբ չեմպիոն ես դառնում, սովորաբար պետք է գոհ լինես արդյունքիցդ: Ու ես էլ գոհ եմ ընդհանուր արդյունքից, բայց դժգոհ եմ բարձրացրած կիլոգրամներից: Վստահ եմ, որ կարող էի ավելին անել: Եթե հիմա փորձեմ արդարացնել, շատ պատճառներ կարող եմ գտնել, սակայն դրանից ոչինչ չի փոխվի: Անհրաժեշտ է հասկանալ սխալները, որպեսզի հաջորդ անգամ նույն սխալը չկրկնվի: Կարծում եմ, որ մի փոքր էլ հոգնածություն կար, քանի որ աշխարհի առաջնությունից վերադառնալուց անմիջապես հետո մեկնեցինք Եվրոպայի առաջնությանը»,-ասաց Իզաբելա Յայլյանը:

Ամփոփելով անցնող տարին Յայլյանը նշեց. «Անցնող տարին հաջող էր ինձ համար: Արդյունքներս բավական լավն են ու, վերջապես՝ դարձա Եվրոպայի չեմպիոն: Կարող եմ ասել, որ լավ տարի էր 2014-ը: Հաջորդ տարի ավելի լավ ու բարձր արդյունքների եմ ձգտելու»,- եզրափակեց երիտասարդ մարզուհին:

Sport.Slaq.am-ը հաջողություն է ցանկանում մեր մարզուհուն ու ակնկալում, որ երիտասարդական առաջնություններում նվաճած մեդալները առաջիկա տարիներին կկրկնվեն արդեն մեծահասակների առաջնություններում:


Գ.Փ.



sport.slaq.am - Սպորտային Լրատվություն




 



 
Ամենաընթերցված