Սամվել Սևյանի բացառիկ հաջողությունը

Ամերիկահայ 13-ամյա շախմատիստ Սամվել Սևյանը հասավ բացառիկ հաջողության:

Ռոքվիլ քաղաքում անցկացված օփենում Սամվելը 3-րդ անգամ լրացրեց գրոսմայստերի նորմա և դարձավ ԱՄՆ-ի պատմության մեջ 1-ին շախմատիստը, ով շախմատային բարձրագույն բնագիծը հաղթահարում է դեռ 14 տարին չբոլորած:

Հիշեցնենք, որ լեգենդար Ռոբերտ Ֆիշերը գրոսմայստեր է դարձել 15 տարեկան հասակում: Այժմ միայն անհրաժեշտ է, որ Սևյանն իր վարկանիշը հասցնի 2500-ի, որպեսզի FIDE-ն հաստատի հայ շախմատիստի կոչումը, հայտնում է armchess.am կայքը: