Հայաստան-Ֆրանսիա ու Հայաստան-Վիետնամ՝ այսօր

Համաշխարհային շախմատային օլիմպիադայի 3-րդ խաղային օրը Հայաստանի տղամարդկանց հավաքականը (4) մրցելու է վարկանիշով 3-րդ՝ Ֆրանսիայի հավաքականի հետ: Թե շախմատիստներից ով որ տախտակին կխաղա՝ դեռ պարզ չէ:

Ճիշտ նույնպես պարզ չէ նաև, թե կանանց հավաքականում, որն այս մրցաշարում 10-րդ վարկանիշն ունի, աղջիկներից ով որ տախտակի առաջ կխաղա Վիետնամի (20) թիմի հետ:

Նշենք, որ 3-րդ տուրի պարտիաները կմեկնարկեն այսօր՝ Երևանի ժամանակով 16:00-ին: Դրանց կարող եք ուղիղ հեռարձակմամբ հետևել sport.am-ում:

Հիշեցնենք, որ երեկ՝ 2-րդ տուրում, մեր 2 հավաքականներն էլ հաղթել էին: Տղամարդիկ 3:1 հաշվով առավելության էին հասել ավստրալացիների, կանայք՝ բանգլադեշուհիների նկատմամբ: