Հայաստան-Ավստրալիա ու Հայաստան-Բանգլադեշ՝ այսօր

Համաշխարհային շախմատային օլիմպիադայի 2-րդ խաղային օրը Հայաստանի տղամարդկանց հավաքականը (4) մրցելու է Ավստրալիայի (60) հավաքականի հետ: Թե շախմատիստներից ով որ տախտակին կխաղա՝ դեռ պարզ չէ:

Ճիշտ նույնպես պարզ չէ նաև, թե կանանց հավաքականում, որն այս մրցաշարում 10-րդ վարկանիշն ունի, աղջիկներից ով որ տախտակի առաջ կխաղա Բանգլադեշի (59) թիմի հետ:

Նշենք, որ 2-րդ տուրի պարտիաները կմեկնարկեն այսօր՝ Երևանի ժամանակով 16:00-ին: Դրանց կարող եք ուղիղ հեռարձակմամբ հետևել sport.am-ում:

Հիշեցնենք, որ երեկ՝ 1-ին տուրում, մեր 2 հավաքականներն էլ վստահ՝ 4:0 հաշվով հաղթանակ էին տոնել՝ տղաները ճապոնացիների, աղջիկները՝ գվատեմալացիների նկատմամբ: