Մեկնարկում է շախմատի համաշխարհային 41-րդ օլիմպիադան
02.08.14 12:28
Այսօր նորվեգական Տրոմսյոյում մեկնարկում է 41-րդ Համաշխարհային շախմատային օլիմպիադան, որի տղամարդկանց մրցաշարին կմասնակցեն 177 ու 136 թիմ՝ կանանց մրցաշարին:
Հայաստանի տղամարդկանց հավաքականն այս օլիմպիադային մասնակցում է Լեւոն Արոնյան (2805), Սերգեյ Մովսեսյան (2672), Վլադիմիր Հակոբյան (2655), Գաբրիել Սարգսյան (2686) ու Տիգրան Քոթանջյան (2500) կազմով, իսկ կանանց հավաքականը՝ Էլինա Դանիելյան (2490), Լիլիթ Մկրտչյան (2453), Լիլիթ Գալոյան (2275), Մարիա Կուրսովա (2313) ու Շուշաննա Սարգսյան (2109) կազմով:
Արդեն կայացել է մեկնարկային տուրի վիճակահանությունը, ներկայացնում ենք մրցաշարիներից յուրաքանչյուրում 10 ուժեղագույն հավաքականների համար վիճակահանության արդյունքը:
Open
Հորդանան-Ռուսաստան (1)
Ուկրաինա (2) – Թունիս
Զամբիա - Ֆրանսիա (3)
Հայաստան (4) –Ճապոնիա
Ալժիր – Հունգարիա (5)
ԱՄՆ (6) – Ուգանդա
Գվատեմալա - Չինաստան (7)
Ադրբեջան (8) - IPCA
Ղրղզստան - Իսրայել (9)
Անգլիա (10) - Ուելս
Կանայք
IBCА - Չինաստան (1)
Ռուսաստան (2) - Հորդանան
Լյուքսեմբուրգ - Ուկրաինա (3)
Վրաստան (4) - Ղրղզստան
Նոր Զելանդիա - Հնդկաստան (5)
Ռումինիա (6) - Պարագվայ
Ֆինլանդիա - ԱՄՆ (7)
Լեհաստան (8) - Ալժիր
Մալազիա - Ֆրանսիա (9)
Հայաստան (10) - Գվատեմալա
Ծանուցում.
IPCA – Ֆիզիկական հաշմանդամությամբ շախմատիստների միջազգային ասոցիացիա
IBCА – կույր շախմատիստների միջազգային կազմակերպություն
Նշենք, որ մինչ օգոստոսի 15-ը անցնող Օլիմպիադան կայանալու է շվեյցարական համակարգով՝ 11 տուրով: Յուրաքանչյուր թիմի կազմում 4 հիմնական անդամ է ու 1 պահեստային:
Հաղթողները որոշվում են թիմային առավելագույն միավորներով:
Տեղերի բաշխման հարցում լրացուցիչ ցուցանիշներն են
1.Օլիմպիական Զոննեբորն-Բերգերը (գումարցում են մրցակիցների թիմային միավորները՝բազմապատկված անհատական միավորներով այդ մրցակիցների դեմ:վատագույն արդյունքով մրցակցի արդյունքը չի հաշվվում)
2.Անհատական միավորների գումարը
3.Բուհգոլց (մրցակիցների թիմային միավորների գումարը՝ առանց վատագույն արդյունքի)
Ժամանակի վերահսկում՝ 90 րոպե 40 քայլի համար ու 30 րոպե մինչ պարտիայի ավարտը՝ յուրաքանչյուր քայլի համար 30 վայրկյան ավեկլացված ժամանակով՝ առաջին քայլից սկսած
Արգելված է մինչ 30-րդ քայլը ոչ-ոքիի վերաբերյալ բանակցություններ վարել
Հաշվվում են Թիմային Միավորները՝ 2 միավոր հաղթանակը, 1 մավոր ոչ-ոքին, 0՝ պարտությունը
Խաղային օրեր՝ օգոստոսի 2-6, 8-12, 14 , Հանգստյան օրեր՝ օգոստոսի 7, 13
Սկիզբը՝ 1-ին տուր՝ 17:00, 2-10 տուրեր՝ 16:00, վերջին տուր՝ 13:00: Ժամերը նշված են ըստ Երեւանի ժամանակի:
