Արոնյանը Ստավանգերում 6-րդն է (լուսանկար)

Ավարտվել է Նորվեգիայում անցնող Ստավանգերի գերմրցաշարը, որում հանդես էր գալիս նաև հայ գրոսմայստեր Լևոն Արոնյանը:

Ցավոք, Արոնյանը այս տարի ևս անհաջող ելույթներ ունեցավ այս հեղինակավոր գերմրցաշարում ու վաստակած 4 միավորով կիսեց 6-9 տեղերը:

Մրցաշարի վերջին տուրում մեր գրոսմայստերը խաղաղությամբ ավարտեց պարտիան բուլղարացի Վեսելին Տոպալովի հետ:

6 միավորով մրցաշարի հաղթող դարձավ ռուս գրոսմայստեր Սերգեյ Կարյակինը՝ կես միավորով առաջ անցնելով աշխարհի չեմպիոն Մագնուս Կարլսենից: