Վարուժան Հակոբյանը կիսում է 1-ին տեղը

Գրոսմայստեր Վարուժան Հակոբյանը Սենթ Լուիսում անցկացվող ԱՄՆ-ի առաջնությունում 10 հնարավորից վաստակել է 6,5 միավոր և Ալեքսանդր Լենդերմանի հետ գլխավորում է աղյուսակը: Այսօր կայանալիք վերջին՝ 11-րդ տուրում, Հակոբյանը սևերով հանդիպում է Լենդերմանի հետ: Առաջատարներից կես միավորով ետ է մնում Գատա Կամսկին, որն այսօր խաղալու է Ջոշուա Ֆրիդելի հետ: Միավորների հավասարության դեպքում ԱՄՆ-ի չեմպիոնը կորոշվի լրացուցիչ պարտիաներում:

ԱՄՆ-ի կանանց առաջնությունում գրոսմայստեր Տաթև Աբրահամյանը 8 հնարավորից ունի 5,5 միավոր և վերջին տուրից առաջ ընթանում է 3-րդ տեղում: Տաթևը միայն կես միավորով է ետ մնում առաջատարներից` գրոսմայստերներ Իրինա Կրաշից և Աննա Զատոնսկիխից, տեղեկացնում է armchess.am կայքը: