Վարուժան Հակոբյանը գլխավորում է աղյուսակը

Գրոսմայստեր Վարուժան Հակոբյանը Սենթ Լուիսում անցկացվող ԱՄՆ-ի առաջնության 6-րդ տուրում տարավ 2-րդ անընդմեջ հաղթանակը` գրոսմայստեր Ալեխանդրո Ռամիրեսի նկատմամբ: Այժմ Հակոբյանը 4 միավորով գլխավորում է աղյուսակը: Նույնքան է վաստակել գրոսմայստեր Ալեքսանդր Լենդերմանը, բայց նա հայ շախմատիստին զիջում է լրացուցիչ ցուցանիշներով:

ԱՄՆ-ի կանանց առաջնությունում 5 տուրից հետո գրոսմայստեր Տաթև Աբրահամյանը 3 միավորով ընթանում է 3-րդ տեղում: 4-ական միավորով աղյուսակը գլխավորում են գրոսմայստերներ Իրինա Կրաշը և Աննա Զատոնսկիխը, տեղեկացնում է armchess.am կայքը: