Հայ շախմատիստները ԱՄՆ-ի առաջնություններում

Ինչպես արդեն տեղեկացրել էինք գրոսմայստերներ Վարուժան Հակոբյանը և Տաթև Աբրահամյանը մայիսի 8-20-ը մասնակցում են Սենթ Լուիսում անցկացվող ԱՄՆ-ի տղամարդկանց եւ կանանց առաջնություններին:

Գրոսմայստեր Վարուժան Հակոբյանը 5-րդ տուրում սևերով պարտության մատնեց առաջատարներից մեկին` գրոսմայստեր Թիմուր Գարեին և այժմ 3 միավորով բաժանում է 2-5-րդ տեղերը: Աղյուսակը 4 միավորով գլխավորում է գրոսմայստեր Ալեքսանդր Լենդերմանը:

ԱՄՆ-ի կանանց առաջնությունում չորս տուրից հետո գրոսմայստեր Տաթև Աբրահամյանը 2,5 միավորով ընթանում է 3-րդ տեղում: 3,5 միավորով աղյուսակը գլխավորում է գրոսմայստեր Իրինա Կրաշը, տեղեկացնում է armchess.am կայքը: