Արոնյան. «Կարյակինն ինձ զրկեց ֆուտբոլ խաղալուց»

Ռուսաստանի Խանտի Մանսիսկ քաղաքում ընթացող Հավակնորդների մրցաշարի 7-րդ տուրում ռուսաստանցի Սերգեյ Կարյակինին հաղթելուց հետո մեր հայրենակից Լևոն Արոնյանը կատակել է` ասելով, որ երկարատև պարտիայի պատճառով չի կարողանա մասնակցել ընկերների հետ ամենօրյա ֆուտբոլային խաղին, գրում է chess.am կայքը:

-Իհարկե հիանալի է, որ կարողացա հաղթել Կարյակինին և այժմ Անանդի հետ միասին գլխավորում եմ մրցաշարային աղյուսակը: Սակայն մեկ բանից դժգոհ եմ: Երբ երկարատեւ պարտիա եմ խաղում, չեմ հասցնում ընկերներիս հետ ֆուտբոլ խաղալ: Խաղը սովորաբար սկսվում է երեկոյան ժամը 8-ին: Այսօր Սերգեյը զրկեց ինձ ֆուտբոլից: