Արոնյան. «Գիտակցեցի, որ շարունակել պետք չէ» (տեսանյութ)

Ինչպես արդեն տեղեկացրել էինք, Հոլանդիայի Վեյկ ան Զեե քաղաքում այսօր մեկնարկած «Տատա Սթիլ» շախմատային փառատոնի առաջին տուրում Լևոն Արոնյանը ոչ-ոքի է ավարտել պարտիան Պենտալա Հարիկրիշնայի հետ:

Խաղից հետո Լևոնը խոսել է հանդիպման մասին:

«Խաղը տարօրինակ ստացվեց: Հանգիստ խաղ չէր: Մենք երկուսս էլ հաղթելու շանսեր ունեինք, սակայն մի պահ հասկացա, որ շարունակելը հեռանկար չուներ, և որոշեցի ավարտել խաղը հենց այդ դիրքում:

Միշտ հաճելի է մասնակցել մեծ մրցաշարերի, տեսնել, որ մարդիկ գնահատում են իմ աշխատանքը: Կաշխատեմ անել այն ամենն, ինչ ինձնից ակնկալում են»,-ասել է Արոնյանը: