Տիգրան Մարտիրոսյան. «Պատրաստվում եմ Եվրոպայի առաջնությանը»

Ծանրամարտի աշխարհի չեմպիոն Տիգրան Մարտիրոսյանը 1 տարի դադարից հետո կրկին միացել է հավաքականին և մասնակցում է Ծաղկաձորում ընթացող ուսումնամարզական հավաքին:

«Արդեն 2-րդ ուսումնամարզական հավաքն ենք անցկացնում, և, կարելի է ասել, ընդհանուր մարզավիճակս լավ է:

Վնասվածքներից հետո ապաքինվել եմ, ինձ հիմա լավ եմ զգում: Օլիմպիական խաղերից հետո խորհրդակցեցի մեր մարզիչների հետ և որոշեցի 1 տարի դադար վերցնել, որպեսզի կարողանամ ավելի թարմ ուժերով մասնակցել եկող տարի կայանալիք վարկանշային մրցումներին:

Հիմա պատրաստվում եմ 2014թ կայանալիք Եվրոպայի առաջնությանը, այնուհետև աշխարհի առաջնությունն է: Թե ինչ կստացվի, ժամանակը ցույց կտա»,- ասաց Տիգրան Մարտիրոսյանը:

Հիշեցնենք, որ աշխարհի առաջնությունը վարկանշային է լինելու մեր ծանրորդների համար:

Գոհար Փիլիպոսյան