Կարլսեն.«Իմ հերթն է Անանդին սովորեցնելու»

Մագնուս Կարլսենը Անանդին չի համարում մարտին կայանալիք Հավակնորդների մրցաշարի հաղթողի թեկնածու:

«Ամենասկզբում Անանդը պետք է գիտակցի, թե իրոք ցանկանում է մասնակցել այդ մրցաշարին, թե ոչ: Վերջին շրջանում նրա արդյունքները տպավորիչ չեն: Նա պետք է շատ ջանք թափի, որպեսզի կարողանա հաջողության հասնել: Այս պահին նրան Հավակնորդների մրցաշարում հաղթողի թեկնածու չեմ համարում:

Անկեղծ ասած ես շատ բան եմ սովորել Անանդից թե՛ նրա հետ խաղերի ժամանակ, թե՛ անցկացրած մարզումների ընթացքում: Սակայն հիմա իմ հերթն է նրան սովորեցնելու»,-ասել է Կարլսենը: