Ոչ-ոքի՝ Կարլսենի հետ

ԱՄՆ-ի Սենթ Լուիս քաղաքում մեկնարկած շախմատի «Սինքֆիլդի գավաթ» մրցաշարի երկրորդ տուրում հայ գրոսմայստեր Լևոն Արոնյանը սպիտակներով ոչ-ոքի խաղաց նորվեգացի Մագնուս Կարլսենի հետ: Տուրի մյուս խաղում Նակամուրան սպիտակներով առավելության հասավ Կամսկու նկատմամբ:

Այսօր կայանալիք 3-րդ տուրի խաղերում Արոնյանը սևերով կմրցի Կամսկու, իսկ Նակամուրան՝ Կարլսենի հետ:

Հիշեցնենք, որ այս մրցաշարի հաղթողը կստանա 70 հազար դոլար, 2-րդ տեղ գրաված շախմատիստը` 50, 3րդը` 30, իսկ 4-րդը` 20 հազար դոլար: