Պարտություն մեկնարկում

Երեկ ԱՄՆ-ի Սենթ Լուիս քաղաքում մեկնարկեց շախմատի «Սինքֆիլդի գավաթ» մրցաշարը, որին մասնակցում է նաև հայ գրոսմայստեր Լևոն Արոնյանը: Մեր շախմատիստն իր առաջին պարտիայում սևերով, ցավոք, զիջեց Հիկարու Նակամուրային:

Տուրի մյուս խաղում Մագնուս Կարլսենը հաղթեց Գատա Կամսկուն:

Այսօր 2-րդ տուրում Արոնյանը սպիտակներով կխաղա նորվեգացի Մագնուս Կարլսենի հետ, Նակամուրան էլ՝ Կամսկու:

Հիշեցնենք, որ այս մրցաշարի հաղթողը կստանա 70 հազար դոլար, 2-րդ տեղ գրաված շախմատիստը` 50, 3րդը` 30, իսկ 4-րդը` 20 հազար դոլար: