FIDE-ն հայտերին է սպասում
06.09.13 14:54
FIDE-ի պաշտոնական կայքում հայտարարվել է, որ ֆեդերացիան սպասում է Հավակնորդների մրցաշարն անցկացնել ցանկացող քաղաքների հայտերին: Հիշեցնենք, որ մրցաշարն անցկացվելու է 2014թ-ի մարտի 12-ից 30-ը:
Մրցաշարը հյուրընկալելու ցանկություն արդեն հայտնել են Խանտի-Մանսիյսկն ու Բուլղարիան (Բուլղարիայում դեռ չեն կողմնորոշվել՝ ո՛ր քաղաքում են ուզում անցկացնել Հավակնորդների մրցաշարը): FIDE-ի կոնգրեսսի պատվիրակներն իրենց ընտրությունը կանեն Տալլինում (կոնգրեսը անցնելու է սեպտեմբերի 30-ից հոկտեմբերի 10-ը):
Նշենք, որ մրցաշարին մասնակցում են աշխարհի 8 լավագույն գրոսսմայստերները: Այսօրվա դրությամբ հայտնի են նրացից 6-ի անունները՝ Լևոն Արոնյան, Վլադիմիր Կրամնիկ, Դմիտրի Անդրեյկին, Սերգեյ կարյակին, Վեսելին Թոփալով, ինչպես նաև՝ աշխարհի չեմպիոնի կոչման համար խաղում Վիշվանաթան Անանդ-Մագնուս Կարլսեն զույգի պարտվողը:
Մրցաշարի 7-րդ մասնակցի անունը կպարզվի Գրան-պրիի վերջին փուլից հետո, իսկ ութերորդը Wild-card կստանա:
